Йæ цардæй ахицæн КВН-ы командæ "Пирамида"-йы уæнг Æлборты Аслан

Нæ программæ райдайдзыстæм зæрдæриссæн цауæй. Йæ цардæй ахицæн не`мкусæг, национ телекомпани "Осетия-Ирыстон"-ы режиссер, КВН-ы командæ "Пирамида"-йы уæнг Æлборты Аслан.

Цы `рцыдис, уый æххæстæй нæхæдæг зонгæ дæр нæ кæнæм. Зæгъдзыстæм уый, æмæ Аслан уыд тынг зæрдæхæлар адæймаг. Кусджыты `хсæн - æгъдауджын æмæ хæдæфсарм. Адæймаг-иу йæ цуры кæддæриддæр худгæ кодта. Ахæм уыд, цы дæсныйады куыста, уымæ гæсгæ. Уыцы-иу рæстæг йемæ уыд цыфæнды ахсджиаг темæйыл дæр аныхас кæнæн. Асланыл цыдис 33 азы.

Нæ телекоманийы къордæй ахæм адæймаг кæй фæхъуыд, уый нын стыр зындзинад бавзарын кодта. Не `ппæты зæрдæтæ дæр ыл фæрыстысты. Зонд æй нæ кæрды, ахæм худæндзаст æмæ адæмуарзон адæймаджы кæй нал фендзыстæм. Нæ телекомпаниы кусджытæ иууылдæр тæфæрфæс кæнынц Æлборты Асланы бинонтæн. Не `ппæт дæр ын зæгъæм "рухсаг".
_
Мы рядом в:
vk.com/irystontv
instagram.com/irystontv
youtube.com/irystontv
twitter.com/irystontv